Ավելի քան 60 զոհ, մոտ 100 վիրավոր. Իսրայելի հարվածը՝ Լիբանանին
Իսրայելի ռազմաօդային ուժերի ինքնաթիռներն ու անօդաչու սարքերը հարվածներ են հասցրել Լիբանանի արևելյան Բեքաա հովտում գտնվող 18 բնակավայրերի, ինչի հետևանքով ավելի քան 60 մարդ է զոհվել, մոտ 100-ը՝ վիրավորվել, РИА Новости–ին հայտնել է Լիբանանի փրկարար ծառայության աղբյուրը։
«Թշնամու ինքնաթիռներն ու անօդաչու թռչող սարքերը ռմբակոծել են Բեքաա հովտում գտնվող 18 բնակավայրեր, մինչ այժմ 61 մարդ է զոհվել, մոտ 100-ը վիրավորվել են», - ասել է գործակալության աղբյուրը:
Վերջին 24 ժամվա ընթացքում, ըստ Լիբանանի առողջապահության նախարարության, զոհվել է 38, վիրավորվել՝ 124 մարդ։ Երկուշաբթի առավոտյան Լիբանանի հարավում գտնվող ամենամեծ քաղաքի՝ Սուրի թաղամասերը զանգվածային հարձակումների են ենթարկվել։
