Պուտինը նշել է Ուկրաինայում տեղի ունեցած nղբերգության հիմնական պատճառը

ՌԴ նախագահ Վլադիմիր Պուտինը Մոնղոլական «Օնոդոր» պարբերականին տված հարցազրույցում հայտարարել է, որ Ուկրաինայում տեղի ունեցած ողբերգության հիմնական պատճառը ԱՄՆ-ի գլխավորությամբ Արևմուտքի երկրների նպատակային հակառուսական քաղաքականությունն է: Հարցազրույցի տեքստը հրապարակվել Է Կրեմլի կայքում։

«Տասնամյակներ շարունակ նրանք ձգտում էին լիակատար վերահսկողություն հաստատել Ուկրաինայի նկատմամբ։ Այնտեղ ֆինանսավորում էին ազգայնական և հակառուսական կազմակերպությունները, համակարգված կերպով սերմանում էին այն գաղափարը, որ Ռուսաստանն իբր Ուկրաինայի հավերժական թշնամին է, նրա գոյության գլխավոր սպառնալիքը», - նշել է Ռուսաստանի առաջնորդը։

Պուտինի խոսքով՝ Ուկրաինան սակարկության առարկա է դարձել արևմտյան երկրների աշխարհաքաղաքական հավակնությունների իրականացման գործում, որոնք ՈՒկրաինան դիտարկում են որպես Ռուսաստանի Դաշնության դեմ պայքարի գործիք։ ՌԴ նախագահը ներկա իրավիճակը բնութագրել է նաև որպես հավաքական Արևմուտքի կործանարար ռազմավարության օրինաչափ արդյունք։

Արդյունքում Ուկրաինայի պաշտոնական գաղափարախոսությունը դարձել է ատելությունը ռուսերենի նկատմամբ, ներառյալ կանոնական ուղղափառությունը եւ ռուսաց լեզուն, հավելել Է Պուտինը: