Նրանք կհամարվեն մեղսակիցներ և պետք է պատասխան տան այդ գործողությունների համար․ Իրանի ԱԳՆ
Իսրայելի արևմտյան դաշնակիցները պետք է պատասխանատվության ենթարկվեն, եթե նրանք չօգնեն Գազայի հատվածում հակամարտությունը թուլացնելուն: Այս մասին հայտարարել է Իրանի արտգործնախարար Աբաս Արաղչին։
«Եթե Թել Ավիվի արևմտյան դաշնակիցները չկանխեն Գազայի հատվածում լարվածության աճը և վարչակարգի կողմից հանցավոր գործողությունների իրականացումը (նկատի ունի Իսրայելին), ապա նրանք կհամարվեն մեղսակիցներ և պետք է պատասխան տան այդ գործողությունների համար», – գրել է Արաղչին X-ում:
Հիշեցնենք, որ օգոստոսի 28-ի գիշերը իսրայելական բանակը հակաահաբեկչական գործողություն է սկսել Ջենին և Թուլկարմ քաղաքներում և հարակից փախստականների ճամբարներում Հորդանան գետի հյուսիսային մասում։ WAFA-ի տվյալներով՝ այդ տարածքներում իսրայելական ռազմական գործողությունների հետևանքով զոհվել է առնվազն 25 մարդ։
