Հայաստանը համաձայնագրի նախագծից հանել է մի քանի կարևոր կետ․ Բայրամով

Ադրբեջանի ԱԳ նախարար Ջեյհուն Բայրամովն անդրադարձել է Հայաստանի հետ խաղաղության պայմանագրի շուրջ բանակցություններին։

«Հայաստանը խաղաղության համաձայնագրի նախագծից հանել է մի քանի կարևոր կետեր»,- ասել է նա՝ հավելելով, որ Ադրբեջանը ևս կներկայացնի իր պատասխան առաջարկները։

Բայրամովի խոսքով՝ կան լրացուցիչ չափանիշներ, որոնք կարող են թույլ տալ խաղաղության համաձայնագիր ստորագրել և ընտրությունը Հայաստանինն է։

Բայրամովն ընդգծել է, որ Հայաստանը պետք է հրաժարվի իր հարևանների և առաջին հերթին Ադրբեջանի նկատմամբ տարածքային հավակնություններից.

«Տեղին չեն նաև Հայաստանի և Ադրբեջանի սահմանադրությունների համեմատության փորձերը։ Այս խնդրի առկայության մասին հայկական կողմին հայտնել ենք երկու տարի առաջ։ Այն ժամանակ նրանք ոչ մի պահանջ չեն ներկայացրել Ադրբեջանի սահմանադրությանը։ Ադրբեջանի Սահմանադրության մեջ տարածքային պահանջներ չկան հարևան որևէ պետության, այդ թվում՝ Հայաստանի նկատմամբ»,- նշում են ադրբեջանական կողմից։