Ադրբեջանի իշխող կուսակցությունը մեծամասնություն է ստանում խորհրդարանական արտահերթ ընտրություններում
Ադրբեջանի իշխող կուսակցության՝ «Ենի Ազերբայջանի» (Նոր Ադրբեջան) ներկայացուցիչները մեծամասնություն են ստանում 7-րդ գումարման խորհրդարանում՝ կիրակի օրը կայացած արտահերթ ընտրությունների արդյունքներով։
Այսպիսին են Ադրբեջանում սեպտեմբերի 1-ին կայացած արտահերթ խորհրդարանական ընտրությունների արդյունքներով ամերիկյան Oracle խորհրդատվական խմբի կողմից անցկացված exit poll-ի տվյալները։
Oracle խորհրդատվական խումբը կիրակի երեկոյան կայացած մամուլի ասուլիսում հայտարարել է իր էքզիթ փոլի արդյունքները, որոնց համաձայն՝ իշխող կուսակցության ներկայացուցիչները հաղթում են 125 ընտրատարածքներից 63-ում։
Նոր գումարման խորհրդարան է անցնում նաեւ անկախ թեկնածու Փոլադ Բյուլբյուլօղլուն, ով ներկայումս զբաղեցնում է Ռուսաստանի Դաշնությունում Ադրբեջանի դեսպանի պաշտոնը։
Oracle խորհրդատվական խումբը exit poll է անցկացրել 875 ընտրատեղամասերում։
Խորհրդարանական ընտրություններն ավարտվել են ժամը 19:00-ին:
