ՏԵՍԱՆՅՈՒԹ. Ի՞նչ է լինելու ՀՀ-ում ՌԴ-ի 102-րդ ռազմաբազայի ճակատագիրը. Auroranews-ի լրագրողի հարցը Փշինյանին

ՀԱՊԿ-ից դուրս գալու օր և ժամ չեմ կարող ասել, իսկ Հայաստանում Ռուսաստանի 102-րդ ռազմաբազայի հետ կապված մենք հարց չունենք այսօր։ Այս մասին, այսօր՝ օգոստոսի 31-ին, Կարեն Դեմիրճյանի անվան մարզահամերգային համալիրում իր ասուլիսի ժամանակ նշեց Նիկոլ Փաշինյանը՝ պատասխանելով Auroranews-ի լրագրողի հարցին, թե ե՞րբ է Հայաստանը դուրս գալու ՀՍՊԿ–ից, և ի՞նչ է լինելու Հայաստանում Ռուսաստանի 102-րդ ռազմաբազայի ճակատագիրը։

«Պետք է արձանագրենք, որ Զվարթնոց օդանավակայանում լիարժեք ծառայութուն են իրականացնում Հայաստանի սահմանապահները։ Իմ ընկալումն այն է, որ մենք շնորհակալություն ենք հայտնել ՌԴ–ի սահմանապահներին՝ այսքան տարիներ այդ ծառայությունն իրականացնելու համար, և արձանագրել ենք, որ ունենք բավարար կարողություններ ինքներս դա անելու համար։ Այնպես չէ, որ դա ՌԴ–ի համար մի անհոգ հարց է, դա էլ է ծանրաբոռնվածություն։ Իսկ ո՞վ է ասել, որ Ռուսաստանի կարողություններն անսահմանափակ են՝ հատկապես ներկայիս իրադրության պայմաններում։ Սա հակադրություն չէ, այլ համագործակցություն»,–ասաց նա։