«Ինչու՞ չեն ուզում, որ իրենց երեխաները ծառայեն բանակում. որովհետև խաղաղություն չկա». վարչապետ

Հայաստանից արտագաղթողների մի հսկայական մասը նրանք են, ովքեր չեն ուզում, որ իրենց երեխաները ծառայեն բանակում։ Այս մասին, այսօր՝ օգոստոսի 31-ին, Կարեն Դեմիրճյանի անվան մարզահամերգային համալիրում իր ասուլիսի ժամանակ նշեց Նիկոլ Փաշինյանը՝ պատասխանելով լրագրողի նկատառմանն այն մասին, որ վերջին երեք ամսիների ընթացքում շուրջ 23 հազար արցախցի արտագաղթել է Հայաստանից։

«Մենք կոչ ենք անում Արցախից բռնի տեղահանվածներին՝ դիմել ՀՀ քաղաքացիություն ստանալու համար։ Մենք ուզում ենք, որ նրանք չարտագաղթեն։ Ինչու՞ չեն ուզում, որ իրենց երեխաները ծառայեն բանակում. որովհետև խաղաղություն չկա»,–ասաց նա։

Նիկոլ Փաշինյանի խոսքով, «Խաղաղության օրակարգը նաև դրա համար է։

«Սա ֆորպո՞ստ է, թե մի երկիր, որը պետք է հնարավոր դարձնի իր քաղաքացիների կյանքն իր ինքնիշխան տարածքում։ Մենք երկրորդ հայեցակարգն ենք որդեգրել։ Մենք այդքան խելոք չէինք, որ մինչև ցնցումներն այդ գիծը որդեգրիենք, մինչև 2018 թվականը մենք՝ որպես պետություն, վաղուց անցած ենք եղել «անդառնալիության կետը»»,–նշեց նա։

Լրագրողի հարցին, թե ինչո՞ւ են դեսպանատները մերժում անձնագրի 070 կոդով քաղաքացիների վիզաների ստացման դիմումները, Փաշինյանը պատասխանեց, որ խնդրի մասին երեկ է տեղեկացել, և դեռևս չի կարող արձագանքել, քանի որ պատճառների մասին տեղյակ չէ։