ԵՄ-ը Մադուրոյին չի ճանաչում որպես Վենեսուելայի ժողովրդավարական ճանապարհով ընտրված նախագահ

ԵՄ արտաքին գործերի նախարարները Բրյուսելում ոչ պաշտոնական հանդիպման ժամանակ պայմանավորվել են չճանաչել Նիկոլաս Մադուրոյին որպես Վենեսուելայի ժողովրդավարական ճանապարհով ընտրված նախագահ։ Այս մասին հայտարարել է ԵՄ արտաքին գործերի և անվտանգության քաղաքականության գերագույն ներկայացուցիչ Ժոզեպ Բորելը:

Բորելը նման հայտարարությամբ հանդես է եկել արտգործնախարարների հանդիպման արդյունքներով, գրում է ТАСС–ը:

«Մենք որոշել ենք, որ չենք կարող ճանաչել Մադուրոյի լեգիտիմությունը որպես ընտրված նախագահ։ Նա, իհարկե, կմնա երկրի փաստացի նախագահը»,-ասել է Բորելը։

Քվեաթերթիկների 80%-ի հաշվարկից հետո Մադուրոն ստացել էր 5,150,092 ձայն, իսկ Մադուրոյի մրցակից Էդմունդո Գոնսալեսը՝ 4,445,978 ձայն: Մադուրոն երկիրը ղեկավարում է 2013 թվականից: