Առգրավվել են Դուրովի բոլոր անձնագրերը. նա 5 երկրի քաղաքացի է

«Բոլոր անձնագրերը, որոնք եղել են նրա մոտ, հետաքննության ընթացքում առգրավվել են, այսինքն՝ նա չունի Ֆրանսիայից օդային, ծովային կամ ցամաքային ճանապարհով հեռանալու հնարավորություն»,– ռուսական լրատվամիջոցներին ասել է Փարիզի և Նիցցայի փաստաբանների միության անդամ Իրինա Սիդորովան։

Telegram-ի համահիմնադիրը չորս երկրների՝ Ռուսաստանի, Ֆրանսիայի, ԱՄԷ-ի, Սենթ Քիթս և Նևիսի քաղաքացի է։

Դուրովը ձերբակալվել էր Փարիզի Լե Բուրժե օդանավակայանում օգոստոսի 24-ին։ Փարիզի դատախազությունն ավելի ուշ հայտնել է, որ նա կալանավորվել է հուլիսի 8-ին «անունը չհրապարակված անձի նկատմամբ» հարուցված գործի շրջանակներում՝ կապված 12 հանցագործություն կատարելու կասկածանքի հետ:

Մասնավորապես, Ֆրանսիայի իշխանությունները հետաքննում են Դուրովի մասնակցությունը համացանցում անօրինական գործունեության մասին տվյալներ թաքցնելու մասով․ բացի այդ, Փարիզում կարծում են, որ նա, իբր կարող է «մասնակից» լինել այնպիսի հանցագործությունների, ինչպիսիք են մանկական պոռնոգրաֆիայի տարածումը և թմրանյութերի վաճառքը: Նա նաև կասկածվում է մեսենջերին օրինական պահանջներ ներկայացրած իշխանությունների հետ չհամագործակցելու մեջ: