Նման որոշումներն անկասկած լուրջ վնաս կհասցնեն եվրոպացի սպառողների շահերին. Պեսկով
ՌԴ–ից գազի տարանցման մասին պայմանագիրը չերկարացնելու Կիևի որոշումը լուրջ վնաս կհասցնի եվրոպացի սպառողների շահերին։ Այս մասին լրագրողներին ասել է ՌԴ նախագահի մամուլի քարտուղար Դմիտրի Պեսկովը։
Օգոստոսի 27–ին Վլադիմիր Զելենսկին հայտարարել էր, որ Ուկրաինան չի երկարաձգի ՌԴ–ի հետ գազի տարանցման պայմանագիրը, որի ժամկետն ավարտվում է 2024 թվականի վերջին։
«Ուկրաինական կողմի նման որոշումներն անկասկած լուրջ վնաս կհասցնեն եվրոպացի սպառողների շահերին` նրանց, ովքեր նախկինի պես ցանկանում են ավելի երաշխավորված, տնտեսական առումով ավելի մատչելի ռուսական գազ ձեռք բերել այլ ապրանքների համեմատ, որոնք նախևառաջ հասնում են հավանաբար ԱՄՆ–ից։ Նրանք ստիպված կլինեն պարզապես ավելի շատ վճարել` այդպիսով իրենց արդյունաբերությունը պակաս մրցունակ դարձնելով», – ասել է Պեսկովը։
Հուլիսին ՌԴ փոխվարչապետ Ալեքսանդր Նովակը հայտարարել էր, որ Ռուսաստանը պատրաստ է շարունակել Ուկրաինայի տարածքով գազի մատակարարումները Եվրոպա նաև 2024 թվականից հետո` պայմանով, որ Կիևը որոշում կկայացնի համաձայնագիրը երկարաձգելու մասին։
Ավելի վաղ ՌԴ ԱԳՆ–ն ընդգծել էր Մոսկվայի պատրաստակամությունը` էներգետիկայի ոլորտում համագործակցել այն երկրների հետ, որոնք հետաքրքրված են դրանում։
