Ադրբեջանը կցանկանար միանալ BRICS-ին. ՌԴ–ում Ադրբեջանի դեսպան

Ադրբեջանը կցանկանար միանալ BRICS-ին: Այս մասին ТАСС-ին ասել է Մոսկվայում այդ երկրի դեսպան Փոլադ Բյուլբյուլօղլուն։

«Ադրբեջանն իսկապես նման ցանկություն է հայտնել։ Մենք այդ մասին խոսել ենք մեր ռուս գործընկերների հետ, բայց սա նույնպես գործընթաց է...»,- ասել է դիվանագետը՝ պատասխանելով հարցին, թե արդյոք Բաքուն պաշտոնական դիմում է ներկայացրել ասոցիացիային միանալու համար։

Առաջին անգամ BRICS-ի անդամ դառնալու Ադրբեջանի մտադրության մասին հրապարակայնորեն հայտարարվեց հուլիսին Սանկտ Պետերբուրգում BRICS X խորհրդարանական ֆորումի լիագումար նիստում։ Այնուհետև Ադրբեջանի խորհրդարանի խոսնակ Սահիբա Գաֆարովան ասել է, որ երկիրը «ցանկություն է հայտնել միանալու» ասոցիացիային։

«Ադրբեջանն իր արտաքին քաղաքականության մեջ խթանում է երկխոսությունը, համագործակցությունը և համերաշխությունը: Մասնավորապես, դա վերաբերում է BRICS-ի հետ համագործակցությանը»,- ասել է նա: