Այս ընտրությունները հանրաքվե են պատերազմի և խաղաղության միջև. Կոբախիձեն՝ Վրաստանում կայանալիք ընտրությունների մասին
Վրաստանում հոկտեմբերի 26-ին նշանակված խորհրդարանական ընտրությունները կդառնան «պատերազմի և խաղաղության միջև հանրաքվե»։ Այս մասին հայտարարել է Վրաստանի վարչապետ Իրակլի Կոբախիձեն:
«Այս ընտրությունները մի տեսակ հանրաքվե են պատերազմի և խաղաղության միջև, հանրաքվե ՝ քարոզչության և ավանդական արժեքների միջև։
Իրականում ընտրությունը պարզ է:
Ընտրությունը պետք է կատարել հօգուտ խաղաղության, բարոյականության և երկրի պայծառ ապագայի»,-ասել է Կոբախիձեն վրացի լրագրողներին։
