Մահմուդ Աբասն Իսրայելին խնդրել է թույլտվություն Գազայի հատված մտնելու համար
Պաղեստինի ազգային վարչակազմը Իսրայելին խնդրանք է ուղարկել Գազայի հատված Պաղեստինի ղեկավար Մահմուդ Աբասի այցը հաստատելու համար, հայտնում է իսրայելական Walla! պարբերականը՝ աղբյուրներին հղումով։ Այս մասին գրում է Интефакс–ը:
Աղբյուրների տվյալներով՝ օգոստոսի 18-ին Պաղեստինի քաղաքացիական գործերի նախարար Հուսեյն ալ-Շեյխը հարցման նամակ է ուղարկել Իսրայելի Ազգային անվտանգության խորհրդի ղեկավար Ցահի Հանեգբիին։ Պաղեստինը իսրայելական կողմին խնդրում է թույլտվություն Գազայի հատված Իսրայելի տարածքով մտնելու համար Եգիպտոսի հետ սահմանին գտնվող Ռաֆահ անցակետի փոխարեն: Այս հարցը կորոշի վարչապետ Բենիամին Նեթանյահուն։
Աբասը Գազայի հատված այցելելու մտադրության մասին հայտարարել էր անցյալ շաբաթ Թուրքիայի խորհրդարանում։ Նա նշել է, որ դա կանի նույնիսկ իր կյանքի գնով:
