Իսրայելի ԱԳՆ-ն զգուշացնում է Հայաստանում գտնվող իր քաղաքացիներին ուշադիր լինել

Իսրայելի արտաքին գործերի նախարարությունը նախազգուշացրել է իսրայելցիներին, որոնք գտնվում են Իրանին սահմանակից երկրներում, այդ թվում ՝ Հայաստանում, Թուրքմենստանում, Թուրքիայում և Ադրբեջանում:

Այս մասին հայտարարություն է տարածել Իսրայելի ԱԳՆ մամուլի ծառայությունը:

ԱԳՆ-ն իր քաղաքացիներին կոչ է արել վերը նշված երկրներում խուսափել այնպիսի իրավիճակներից, որոնք կարող են իրենց համար վտանգ ներկայացնել և զգոն լինել Իրանից հնարավոր սպառնալիքների դեպքում։

«Հաշվի առնելով Իսրայելի պետական խորհրդանիշներին և քաղաքացիներին վնաս հասցնելու Իրանի և նրա դրածոների փորձերից բխող սպառնալիքը՝ արտաքին գործերի նախարարությունը խորհուրդ է տալիս Իրանի հետ սահմանակից երկրներ՝ Թուրքմենստան, Հայաստան, Թուրքիա և Ադրբեջան այցելող Իսրայելի քաղաքացիներին ցուցաբերել զգոնություն, զգուշություն և ականջալուր լինել ազգային անվտանգության աշխատակիցների նախազգուշացումներին»,- ասվում է Իսրայելի ԱԳՆ-ի տարածած հաղորդագրության մեջ։