ՏԵՍԱՆՅՈՒԹ. Ռուսաստանի նախագահ Վլադիմիր Պուտինը Գրոզնիում նոր մզկիթ այցելելիս համբուրել է Ղուրանը
Ռուսաստանի նախագահ Վլադիմիր Պուտինը Գրոզնիում Իսա մարգարեի նոր մզկիթ այցելելիս համբուրել է Ղուրանը։
Հիշեցնենք, որ երեքշաբթի ՌԴ նախագահ Պուտինը 13 տարվա մեջ առաջին անգամ այցելել է Չեչնիա։ Հանրապետության մայրաքաղաքում նա Ռամզան Կադիրովի և հոգեւոր դասի ներկայացուցիչ Սալահ Մեժիևի հետ այցելել է Իսա մարգարեի նոր մզկիթ։ Չեչնիայի ղեկավարը և մահմեդականների հոգևոր վարչության նախագահը Ռուսաստանի առաջնորդին են հանձնել Չեչնիայի պատվավոր քաղաքացու կրծքանշանը։
Նախագահը մզկիթին նվիրել է ձեռագործ Ղուրան։ Սալահ Մեժիևը նրա համար հատված է կարդացել, որից հետո Պուտինը համբուրել է Ղուրանը։ Նա նաև նշել է, որ մզկիթը կառուցվել է ուզբեկական ոճով եւ այն շատ գեղեցիկ է:
Բացի այդ, Պուտինը շնորհակալություն է հայտնել Չեչնիայի մուֆթիին Ռուսաստանում բազմազգ խաղաղության ամրապնդմանն ուղղված աշխատանքի համար, գրում է ՌԻԱ Նովոստին։
Հիշեցնենք, որ երեկ համացանցում տեսանյութ էր տարածվել, որում նախագահ Պուտինը Ադրբեջան պաշտոնական այցի ժամանակ Բաքվում այցելել էր ուղղափառ եկեղեցի: Ուշագրավ դետալ էր տեսանելի, նրա հետ միասին ուղղափառ եկեղեցում մոմ վառեց նաեւ Իլհամ Ալիեւը:
