Բոլոր «կարմիր կոճակներն» արդեն սեղմված են, մնում է սեղմել միայն «ամենակարմիրը». Լուկաշենկո

Բելառուսը Ուկրաինայի հետ սահմանին կօգտագործի ավելի քան 20 բրիգադներ և գումարտակներ՝ ներխուժումը կանխելու համար:

Այս մասին Ռուսաստանի պետական հեռուստատեսությանը տված հարցազրույցում հայտարարել է Ալեքսանդր Լուկաշենկոն: Նրա խոսքով ուկրաինական բանակի ներխուժման դեպքում «կարմիր գծեր» չեն լինի, պատասխանը կլինի կայծակնային։

Լուկաշենկոն ընդգծել է, որ միջուկային զենք չի օգտագործի, քանի դեռ ոչ ոք չի խախտում Միութենական պետության սահմանները։ Պատասխանելով դրա օգտագործման պատրաստության աստիճանի մասին հարցին՝ նախագահն ասել է, բոլոր «կարմիր կոճակներն» արդեն սեղմված են, մնում է սեղմել միայն «ամենակարմիրը»։

Լուկաշենկոն մեղադրել է արևմտյան քաղաքական գործիչներին Ուկրաինայի հակամարտությունը դադարեցնելու ցանկության չունենալու մեջ։ Բելառուսի ղեկավարը հրավիրել է Արևմուտքին նստել բանակցությունների սեղանի շուրջ և վերջ դնել հակամարտությանը, որը պետք չէր ոչ ռուսներին, ոչ բելառուսներին, ոչ ուկրաինացիներին։