Կառլես Պուչդեմոնը ինքնաաքսորից հետո վերադարձել է Կատալոնիա. նրան որոնում է Իսպանիայի ոստիկանությունը

Կատալոնիայի ոստիկանությունը գործողություն է սկսել Կառլես Պուչդեմոնին հայտնաբերելու և ձերբակալելու համար այն բանից հետո, երբ նախկին տարածաշրջանային առաջնորդը յոթ տարի ինքնաաքսորից հետո առաջին անգամ վերադարձել է Իսպանիա:

 Երկիր ժամանելուն պես Պուչդեմոնը Բարսելոնայում ելույթ է ունեցել բազմահազարանոց ամբոխի հետ, իսկ հետո նորից անհետացել:

 Իսպանիայի խորհրդարանը հաստատեց համաներումը անջատողական առաջնորդների համար, սակայն Գերագույն դատարանը հայտարարեց, որ այն չի տարածվում Պուչդեմոնի և մյուսների դեմ յուրացման մեղադրանքների վրա:

 Նաև, Ռուսաստանի հետ հնարավոր կապերի մեջ կասկածվող անջատողականների գործը քննող դատավորը հուլիսի սկզբին վճռեց, որ համաներումը չի տարածվում գործով մեղադրյալների վրա, այդ թվում՝ Կատալոնիայի նախկին նախագահ Կառլես Պուչդեմոնի վրա։

 Քանի որ Պուչդեմոնը պետական ​​պաշտոն է զբաղեցնում որպես պատգամավոր, դատավորը գործը փոխանցել է Գերագույն դատարան՝ խնդրելով ստանձնել պետական ​​դավաճանության հանցագործությունների հետաքննությունը։