ABC-ն հաստատել է Թրամփ-Հարիս հեռուստաբանավեճի մասին տեղեկությունը
ԱՄՆ նախագահի հանրապետական թեկնածու Դոնալդ Թրամփը և նրա դեմոկրատ մրցակից Քամալա Հարիսը սեպտեմբերի 10-ին կհանդիպեն հեռուստաբանավեճի ժամանակ։ Այս մասին հայտնել է ABC հեռուստաընկերությունը։
ABC News-ը կհյուրընկալի նախագահական բանավեճը սեպտեմբերի 10-ին:
«Փոխնախագահ Հարիսը և նախկին նախագահ Թրամփը հաստատել են, որ կմասնակցեն ABC-ի բանավեճին»,- հայտնել է հեռուստաընկերությոընը X-ում (նախկինում՝ Twitter):
Թրամփը ավելի վաղ ասել էր, որ հաջորդ ընտրական բանավեճը պետք է անցկացվի Fox News հեռուստաալիքով։ Նա դա վերագրել էր ABC-ի կողմնակալությանը: Ընդհանուր առմամբ, Թրամփը ցանկանում է սեպտեմբերին Հարիսի հետ բանավեճերի երեք փուլ անցկացնել։
