Պենտագոնը պատրաստվում է օգնել Իսրայելին Իրանի գրոհի դեպքում

Վաշինգտոնի վարչակազմը չի խոսի այն մասին, թե արդյոք Իրանը կգրոհի Իսրայելը, բայց ԱՄՆ զինվորականները պատրաստվում են աջակցություն ցուցաբերել հրեական պետությանն անհրաժեշտության դեպքում։ Այս դիրքորոշումն է ներկայացրել ԱՄՆ պաշտպանության նախարար Լլոյդ Օսթինը ամերիկա-ավստրալական «երկու գումարած երկու» ձեւաչափով բանակցությունների ժամանակ։

«Չեմ շահարկի այն, թե արդյոք Իրանը կգրոհի Իսրայելը եւ երբ»,- ասել է նա Աննապոլիսի (Մերիլենդի նահանգ) մամուլի ասուլիսում։

«Մենք հնարավոր ամեն ինչ անում ենք մեր զինվորների պաշտպանության եւ այն բանի համար, որպեսզի հնարավորություն ունենանք օգնել Իսրայելին, եթե մեզ այդ մասին խնդրեն»,- ավելացրել է Պենտագոնի ղեկավարը։ «Դուք տեսաք, որ մենք մի շարք քայլեր ենք արել մեր ուժերի դիրքերի ամրապնդման համար»,- նշել է նա։