Ուկրաինայում խուճապի են մատնվել ՌԴ-ի և Արևմուտքի միջև բանտարկյալների փոխանակումից հետո․ ԶԼՄ

Ուկրաինայի պաշտոնյաները մտահոգված են Ռուսաստանի և Արևմուտքի երկրների միջև բանտարկյալների փոխանակմամբ, քանի որ այն ցույց է տալիս կողմերի բանակցելու ունակությունը: Այս մասին գրում է ամերիկյան The Washington Post թերթը։

«Այն բանից հետո, երբ բանտարկյալների մասին պատմական համաձայնագիրը ցույց տվեց, որ Մոսկվան և Վաշինգտոնը դեռ կարող են միասին գործեր վարել, Կիևը հայտարարել է, որ նախագահ Բայդենից կսպասի իր խոստման կատարմանը՝ «ոչինչ Ուկրաինայի մասին առանց Ուկրաինայի», — ասվում է հրատարակության հաղորդագրության մեջ:

Նշվում է, որ Ուկրաինայում «զգուշավորությամբ» հետևել են ՌԴ-ի և Արևմուտքի միջև բանտարկյալների փոխանակմանը, քանի որ իրադարձությունների նման զարգացումը ցույց է տալիս, որ «Մոսկվան և Արևմուտքը կարող են բանակցել»:

The Washington Post-ը գրում է, որ ուկրաինացիները գիտեն, որ իրենց երկիրը գոյատևում է փոխանցված զենքի և արտասահմանից փոխառված և նվիրաբերված գումարների հաշվին, և եթե Արևմուտքի օգնությունը դադարի, Ուկրաինան «մեծ փորձանքի մեջ կհայտնվի»։