Մարգարայի անցակետի սպասարկումը սկսելու համար քաղաքական որոշում է պետք. Բադասյան
Հայ–թուրքական սահմանին գտնվող Մարգարայի անցակետի սպասարկումը սկսելու համար քաղաքական որոշում պետք է կայացվի։ Այս մասի Կառավարության նիստից հետո լրագրողների հետ զրույցում ասաց ՀՀ պետական եկամուտների կոմիտեի նախագահ Ռուստամ Բադասյանը։
«Մարգարայի անցակետը պատրաստ է սպասարկելու երրորդ երկրների քաղաքացիներին և դիվանագիտական անձնագիր ունեցող անձանց։ Արդեն վաղուց պատրաստ է։ Չգիտեմ` երբվանից է սպասարկվելու, քաղաքական որոշում պետք է կայացվի»,– ասաց նա։
Հիշեցնենք` դեռ 2023 թվականի դեկտեմբերին հայտնի էր, որ «Մարգարա» անցակետը պատրաստ է շահագործման։
