Հոդեյդայի վրա Իսրայելի օդային հարվածների հետևանքով 3 մարդ է զոհվել, 87-ը՝ վիրավորվել

Եմենի Հոդեյդա նավահանգստի ուղղությամբ իսրայելական ավիահարվածների հետևանքով 3 մարդ է զոհվել, 87-ը վիրավորվել է, հայտնում է Saba-ն՝ հղում անելով Եմենի առողջապահության նախարարությանը։

Նախօրեին արաբական լրատվամիջոցները հայտնել էին, որ Իսրայելը օդային հարվածներ է հասցրել Հոդեյդաին։ Ավելի ուշ այս տեղեկությունը հաստատել է Իսրայելը՝ նշելով, որ հարձակման թիրախը հութիների ռազմական օբյեկտներն են եղել։

Գրոհի ընթացքում խոցվել են վառելիքի ամբարները և նավահանգստի էլեկտրակայանը։