Մեկ օրում 4 մարդ Է զոհվել, 20-ը՝ տուժել. Բելգորոդի մարզ

Անցած մեկ օրվա ընթացքում Բելգորոդի շրջանի վրա հարձակումների հետևանքով զոհվել է չորս մարդ, վիրավորվել՝ 20-ը, տելեգրամյան ալիքում հայտնել է շրջանի ղեկավար Վյաչեսլավ Գլադկովը:

«Չորս խաղաղ բնակիչ զոհվել է, 20 մարդ վիրավորվել է, 17-ը շարունակում են մնալ առողջապահական հաստատություններում, երկուսի վիճակը ծանր է», — ասել է նահանգապետը:

Գլադկովի խոսքով՝ հարձակման հետևանքով վնասվել է մոտ 160 բնակարան, 60 առանձնատուն, մոտ 140 ավտոմեքենա:

Հուլիսի 8-ին և լույս 9-ի գիշերը տարածաշրջանի ղեկավարը բազմիցս գրել է հրետակոծությունների մասին, հիմնականում՝ Շչեբեկինսկի և Գրայվորոնսկի շրջանների, ինչպես նաև Բելգորոդի:

Գլավդկովը նաև նշել է, որ Կրասնոյարուժսկի շրջանի Պրիլեսյե Ավանում կամիկաձե դրոնի հարձակման հետևանքով ամբողջությամբ ավերվել է մասնավոր բնակելի շենք:

Մինչ այդ Գլադկովը հայտնել էր, որ հակաօդային պաշտպանության ուժերը մի քանի օդային թիրախներ են խոցել Բելգորոդին մոտենալիս։ Հարձակման հետևանքով զոհվել է մեկ մարդ, ևս երկուսը վիրավորվել են:

Ռոդիոնովո-Նեսվետայսկի շրջանում էլեկտրակայանի վրա ԱԹՍ-ի հարձակման հետևանքով առաջացած հրդեհի վերացման մասին խոսել է նաև Ռոստովի մարզի նահանգապետ Վասիլի Գոլուբևը: Նրա խոսքով՝ անմիջապես չի հաջողել սկսել հրդեհի մարման գործընթացը՝ միայն սակրավորների կողմից ենթակայանի մոտ գտնվող հարթակի ստուգումից հետո։  Գոլուբևը հավելել է, որ տուժածներ չկան:

Դրոնների հարձակման հետևանքով ևս մեկ հրդեհ է գրանցվել Վոլգոգրադի մարզում: Շրջանային վարչակազմը, վկայակոչելով նահանգապետ Անդրեյ Բոչարովին, հայտնել է, որ ԱԹՍ-ի բեկորների ընկնելու հետեւանքով այրվել են Ֆրոլովո քաղաքի ենթակայանը եւ Կալաչ-նա-Դոնու քաղաքի նավթաբազան:

Վարչակազմի տվյալներով՝ հրդեհը մարվել է, նավթաբազայում բռնկված հրդեհը բնակելի օբյեկտներին չի սպառնացել: