ՏԵՍԱՆՅՈՒԹ․ Այս փոքրիկ տեսանյութով ուզում եմ ներկայացնել, թե իրականում ով ինչ է արել․ Կոստանյան
Երևանի քաղաքապետ Տիգրան Ավինյանի մամուլի խոսնակ Հայկ Կոստանյանը գրառում է արել՝ նշելով․ «Երեկ Ավան վարչական շրջանում փողոցային առևտրի դեմ պայքարի շրջայցից հետո որոշ լրատվամիջոցներ հրապարակումներ են արել, թե իբր քաղաքապետարանի աշխատակիցներն են վաճառողների ապրանքները շուռ տվել գետնին, այս փոքրիկ տեսանյութով ուզում եմ ներկայացնել, թե իրականում ով ինչ է արել։
Հիշեցում՝
Մայրաքաղաքում փողոցային առևտուրն արգելվում է: Սահմանված է տուգանք, ինչպես նաև ապրանքի առգրավվում»,- գրել է Կոստանյանը։
Հիշեցնենք՝ ավելի վաղ հայտնել էինք, որ բացօթյա ապօրինի առևտրի դեպքերը կանխելու նպատակով Երևանի քաղաքապետարանի առևտրի և ծառայությունների վարչությունը ՀՀ ՆԳՆ համապատասխան ստորաբաժանումների հետ համատեղ Ավան վարչական շրջանում ստուգայց էր իրականացրել:
