ՏԵՍԱՆՅՈՒԹ. Մոսկվան ջրի տակ է
Ինչպես հայտնում են օդերեւութաբանները, այս շաբաթ Մոսկվայում կարող է գերակատարել տեղումների ամսական նորման։
Մոսկվան երրորդ օրն անընդմեջ հորդառատ անձրևի տակ է։ Մայրաքաղաքի բնակիչները նկարահանել են, թե ինչպես են քաղաքի տարբեր հատվածներում հեղեղվել փողոցները, որոշ կադրերում երևում է, որ մեքենաները անցնում են ջրի տակ:
Դեպտրանսից խնդրում են հրաժարվել ավտոմեքենաներով ուղեւորություններից եւ օգտվել մետրոյից։ Սակայն համացանցում հայտնվել է տեսանյութ, թե ինչպես են Մոսկվայի «Բագրատիոնովսկայա» կայարանում վերգետնյա մետրոյի ռելսերը անհետացել ջրի տակ։ Մետրոպոլիտենի Ֆիլևսկայա գծում «Բագրատիոնովսկայա» և «Կունցևսկայա» կայարանների միջև երթևեկությունը դադարեցվել է:
Նախօրեին ուժեղ տեղատարափ անձրեւ էր տեղացել նաեւ Մոսկվայում եւ Մոսկվայի մարզում։ Ականատեսների խոսքով՝ քաղաքի որոշ շրջաններում կարկուտ է տեղացել։ Մայրաքաղաքի բնակիչները համացանցում հրապարակել են եղանակի կադրերը։ Քաղաքի փողոցներում գրեթե զրոյական տեսանելիություն էր, ուժեղ քամին ջրի հոսքեր էր տարածում ճանապարհներին. եղել են տուժածներ:
