Չեխիայի ոստիկանությունը ուժեղացրել է անվտանգության միջոցառումները
Չեխիայում ահաբեկչության սպառնալիքի պատճառով ոստիկանությունը անվտանգության ուժեղացված միջոցներ է ձեռնարկում, հայտնում է Idnes-ը՝ վկայակոչելով ներքին գործերի նախարար Վիտ Ռակուշանին։
«Ոստիկանությունը ներկայումս ձեռնարկում է կանխարգելիչ միջոցառումներ, անմիջական սպառնալիքի մասին տեղեկություն չունի, առաջիկայում լրացուցիչ տեղեկություն կհրապարակվի»,- լրագրողներին ասել է նախարարը։
Հրատարակության համաձայն՝ սպառնալիքը, որի պատճառով ուժեղացվել են անվտանգության միջոցները, կարող է վերաբերել ոչ միայն Չեխիային։
Պրահայի փողոցներում, հատկապես երկաթուղային և ավտոբուսային կայարանների մոտ, զինված ոստիկանական պարեկներ են հայտնվել, իսկ մայրուղիներում ոստիկանությունը ստուգում է վարորդների ինքնությունը։
