«Եվրատեսիլի» իսրայելցի մասնակցին արգելել են դուրս գալ հյուրանոցից մինչև եզրափակիչը
«Եվրատեսիլ 2024»-ի իսրայելցի մասնակցին արգելել են դուրս գալ հյուրանոցից մինչև եզրափակիչը: Այս մասին գրում է Nexta.tv–ն:
Նշվում է, որ Շվեդիայի Մալմյո քաղաքում, որտեղ կանցկացվի մրցույթը, սպասվում են ելույթներ՝ ի պաշտպանություն Պաղեստինի։
Խոսքը Եվրատեսիլ 2024-ին Իսրայելը ներկայացնող երգչուհի Էդեն Գոլանի մասին է։ Ըստ Spiegel-ի՝ Իսրայելի անվտանգության ծառայությունն աղջկան արգելել է լքել հյուրանոցը և մասնակցել որևէ հասարակական միջոցառման մինչև մրցույթի եզրափակիչ փուլը։
Իսրայելի հետախուզական ծառայություններն իրենց գործակալներին քաղաք են ուղարկել դեռ մարտին՝ տեղում գնահատելու, թե ինչ պայմաններով է ապահովվելու երգչուհու անվտանգությունը Եվրատեսիլում։ Մալմյոյում մեծ թվով միգրանտներ են ապրում արաբական երկրներից։
Գոլանը նույնպես ստիպված է եղել մի քանի անգամ փոխել իր մրցութային երգը։ 2023 թվականի հոկտեմբերի 7-ին Իսրայելի վրա ՀԱՄԱՍ-ի հարձակման մասին տեքստի հղումները, պարզվել է, որ քաղաքական են և խախտում են Եվրատեսիլի կանոնադրությունը։
«Եվրատեսիլ» երգի մրցույթի ժամանակ Մալմյոյում սպասվում են զանգվածային հակաիսրայելական ցույցեր՝ մինչև 20 հազար մարդու մասնակցությամբ։ Շվեդիայի ոստիկանությունն ակնկալում է, որ ցուցարարների թվում կլինեն բռնի ձախակողմյան ծայրահեղականներ։
