Հարավային Կորեան եւ Ուկրաինան 2 մլրդ դոլարի վարկային համաձայնագիր են կնքել

Հարավային Կորեայի և Ուկրաինայի ֆինանսների նախարարներ Չխվե Սան Մօկը և Սերգեյ Մարչենկոն Վաշինգտոնում ստորագրել են փոխադարձ համաձայնագիր՝ Կիևին 2,1 մլրդ դոլարի արտոնյալ երկարաժամկետ վարկեր տրամադրելու վերաբերյալ, հայտնել Է Կորեայի պլանավորման և ֆինանսների նախարարությունը: Կողմերը պայմանավորվել են ուսումնասիրել այն նախագծերը, որոնք կարող են օգնել Ուկրաինայի վերականգնմանը։

Ինչպես նշվում Է հաղորդագրության մեջ, Հարավային Կորեայի նախագահը 2023 թվականի սեպտեմբերին հայտարարել Է Ուկրաինային 2,3 մլրդ դոլար հատկացնելու մասին։ 200 մլն դոլար կհատկացվի 2024 թվականին մարդասիրական օգնության համար։ Նախարար Չխվե Սան Մօկը Կիևի հետ տնտեսական համագործակցության ամրապնդման հույս է հայտնել: Նա աջակցություն է խնդրել, որպեսզի Հարավկորեական ընկերությունները կարողանան մասնակցել երկրի վերականգնմանը։

2023 թվականի հուլիսին Հարավային Կորեայի նախագահ Յուն Սոկ Յել այցելել է Ուկրաինա։ 2024 թվականի սկզբին երկրի իշխանությունները հայտարարել էին, որ կշարունակեն օգնություն ցուցաբերել Ուկրաինային երկրի վերականգնման հարցում։ Ինչպես հայտարարել Է Հարավային Կորեայի պաշտպանության նախարարությունը, Սեուլը Կիևին զենք և զինամթերք չի մատակարարում։