Ինչ են քննարկում Պուտինն ու Էրդողանը հեռախոսազրույցների ընթացքում

ՌԴ նախագահ Վլադիմիր Պուտինը և Թուրքիայի նախագահ Ռեջեփ Թայիփ Էրդողանն իրենց հեռախոսազրույցների ընթացքում քննարկում են իրենց երկրների շուրջ ստեղծված իրավիճակը: Այդ մասին լրագրողներին հայտնել Է ՌԴ նախագահի մամուլի քարտուղար Դմիտրի Պեսկովը:

Ավելի վաղ Էրդողանը հայտարարել էր, որ ՌԴ նախագահ Վլադիմիր Պուտինի՝ Թուրքիա կատարելիք այցի ամսաթիվը դեռ որոշված չէ, նրա խոսքով՝ նա մշտական կապի մեջ է ռուս գործընկերոջ հետ: Պեսկովն իր հերթին հաստատել է, որ նախագահներն անձնական հանդիպումների բացակայությունը փոխհատուցում են բավական հաճախակի հեռախոսազրույցներով:

«Մենք փորձում ենք Ձեզ հնարավորինս լիարժեք տեղեկացնել այդ խոսակցությունների բովանդակության մասին, բայց, իհարկե, խոսքը հիմնականում երկկողմ հարաբերությունների մասին է։ Մենք ունենք զարգացած տնտեսական հարաբերություններ, շատ համատեղ նախագծեր, և մեր երկրների շուրջ իրավիճակը, ցավոք, շատ բան է թողնում, ուստի դա միշտ էլ քննարկումների առիթ է դառնում», - ասել Է Պեսկովը։