Բայդենը ցուցմունք չի տա իր իմփիչմենթի շրջանակում
Ջո Բայդենը իր նկատմամբ իմփիչմենթի հետաքննության ընթացքում ցուցմունք չի տա։ Այս մասին Սպիտակ տունը տեղեկացրել է ԱՄՆ Կոնգրեսի Ներկայացուցիչների պալատի վերահսկիչ հանձնաժողովի նախագահ Ջեյմս Քոմերին։
Ամերիկացի առաջնորդի հատուկ խորհրդական Ռիչարդ Զաուբերը նամակում ընդգծել է, որ այս գործի հետաքննությունն ավարտվել է։
«Մենք մերժում ենք նախագահ Բայդենի վկայություն տալու ձեր հրավերը», - ասել է նա:
Զաուբերը հավելել է, որ ԱՄՆ նախագահը «ոչ մի վատ բան չի արել» և Քոմերին մեղադրել է «կեղծ և անհիմն մեղադրանքներ» ներկայացնելու մեջ, հայտնում է CNN-ը։
