Քաղաքականություն

ԵՄ դատարանը բավարարել է պատժամիջոցները չեղարկելու՝ ռուս միլիարդատերերի պահանջը

ԵՄ դատարանը բավարարել է պատժամիջոցները չեղարկելու՝ ռուս միլիարդատերերի պահանջը
Եվրամիության դատարանը բավարարել է ռուս միլիարդատերեր Պյոտր Ավենի և Միխայիլ Ֆրիդմանի հայցը, որոնք պահանջում էին չեղարկել իրենց նկատմամբ սահմանված ԵՄ պատժամիջոցները։Բրյուսելը Alfa Bank-ի…

Եվրամիության դատարանը բավարարել է ռուս միլիարդատերեր Պյոտր Ավենի և Միխայիլ Ֆրիդմանի հայցը, որոնք պահանջում էին չեղարկել իրենց նկատմամբ սահմանված ԵՄ պատժամիջոցները։


Բրյուսելը Alfa Bank-ի համահիմնադիրներին ևս ընդգրկել էր պատժամիջոցների ցուցակում Ուկրաինա Ռուսաստանի ռազմական ներխուժումից հետո։


Եվրամիությունն իր այդ որոշման հիմնավորման մեջ պնդել էր, որ Էվենն ու Ֆրիդմանը նյութական կամ ֆինանսական աջակցություն են ցուցաբերել պետական մակարդակով որոշում կայացնողներին և աջակցել գործողություններին ու քաղաքականությանը, որոնք խաթարում կամ սպառնում են Ուկրաինայի տարածքային ամբողջականությանը, ինքնիշխանությանը և անկախությանը:


Ռուսաստանցի միլիարդատերերը կտրականապես հերքում են այդ մեղադրանքները։


Եվրամիության դատարանը վճռել է, որ Դաշինքի կողմից ներկայացված ոչ մի պատճառաբանություն՝ միլիարդատերերին պատժամիջոցային ցուցակներում ներառելու համար, բավարար չափով հիմնավորված չէ։ Պաշտոնական Բրյուսելը կարող է բողոքարկել այդ որոշումը։


Բացի Եվրամիությունից, Էվենի և Ֆրիդմանի դեմ պատժամիջոցներ են սահմանել ԱՄՆ-ը, Մեծ Բրիտանիան, Ուկրաինան և մի շարք պետություններ, որոնք աջակցում են Կիևին Ռուսաստանի ներխուժման դեմ պայքարում։

Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7338) Միջազգային (3212) ԱՄՆ (2277) Ռուսաստան (2076) Իրան (1732) Ընտրություններ (1270) Ուկրաինա (817) Երևան (794) Իսրայել (757) Ադրբեջան (612) Փաշինյան (557) Եվրոպա (510) Ընդդիմություն (434) Թրամփ (427) Ազգային ժողով (400)

Radio Aurora

Լսել Radio Aurora

Գովազդային տարածք

300x250