Մոսկվայում կալանավորվել է «Կրոկուսի» ահաբեկչության գործով 10-րդ անձը

Մոսկվայի Բասմանսկի դատարանը կալանավորել է «Կրոկուսի» ահաբեկչության գործով 10-րդ անձին` Յակուբջոնի Յուսուֆզոդային։

«Յուսուֆզոդայի նկատմամբ խափանման միջոց է ընտրվել կալանքը՝ մինչև մայիսի 22-ը», - ասվում է հաղորդագրության մեջ։

Հարցաքննության ժամանակ նա հայտնել է, որ Տաջիկստանի քաղաքացի է, ամուսնացած է, ունի երեք երեխա: Մինչ ձերբակալությունը ոչ պաշտոնապես աշխատել է շինհրապարակում որպես բանվոր։ Հնարավոր է՝ ժամանակավոր գրանցում է ունեցել Ռուսաստանում, բայց հասցեն չի հիշում։

Հիշեցնենք՝ ՌԴ Արտակարգ իրավիճակների նախարարության վերջին տվյալներով՝ ահաբեկչության հետևանքով զոհվել է 144 մարդ: