Թուրքիայի վիճակագրության բյուրոյի՝ TUIK-ի պաշտոնական տվյալներով՝ Թուրքիան 2024 թվականի հունվարի սկզբից զինամթերք, պայթուցիկ նյութեր, վառոդ և զենքի պահեստամասեր է արտահանել Իսրայել, գրում է Palestine Online-ը։

Թուրքիան, իր հերթին, հերքելով Իսրայելի հետ մասնավորապես պաշտպանության ոլորտում համագործակցության մասին մեղադրանքները, նշել է, որ դա կարող է վնասել պաղեստինցիներին, հայտնում է թուրքական Anews-ը։

«Անհնար է, որ Թուրքիայի Հանրապետությունը, որը միշտ աջակցել է Պաղեստինին, իրականացնի կամ մասնակցի որևէ գործողություն, որը կվնասի պաղեստինցիներին: Ազգային պաշտպանության նախարարությունը Իսրայելի հետ որևէ գործունեություն՝ ռազմական ուսուցում, վարժանքներ և պաշտպանական արդյունաբերության համագործակցություն չի իրակացնում», - ասված է Թուրքիայի ազգային պաշտպանության նախարարության հայտարարությունում։

Թուրքիայի ՊՆ հայտարարության մեջ նշվում է նաև, որ «Գազայի հատվածում, ցավոք, շարունակվում են իսրայելական բռնության գործողությունները՝ թիրախավորելով հիվանդանոցները, դպրոցները, աղոթատեղիները, փախստականների ճամբարները և խաղաղ բնակիչներին»։