Իրավիճակը հեշտ չէ․ Պուտին

Հատուկ ռազմական գործողության մասնակիցները պետք է վստահ լինեն, որ իրենք պաշտպանված են պետության կողմից, զինվորականներին աջակցելու բոլոր միջոցները պետք է իրականացվեն, հայտարարել է Ռուսաստանի նախագահ Վլադիմիր Պուտինը Գլխավոր դատախազության կոլեգիայի նիստում:

«Իրավիճակը հեշտ չէ, և այն պահանջում է ստեղծագործական, ճկուն մոտեցում կարգավորման բոլոր ոլորտներին։ Առաջին հերթին պետք է, իհարկե, ուշադրություն դարձնել զինծառայողների և նրանց ընտանիքների անդամների օգնությանն ու աջակցությանը։ Մարդիկ պետք է հասկանան և իմանան, որ հայրենիքի հանդեպ իրենց պարտքը կատարելով, իրենց կյանքը վտանգելով՝ պաշտպանված են պետության կողմից: Եվ այն ամենը, ինչ պետությունը նախանշել է զինծառայողներին աջակցելու ոլորտում, անշուշտ, պետք է կատարվի», - ասել Է Պուտինը։