Crocus City Hall-ում կատարվածից հետո Արևմուտքի հետ շփումներ չեն եղել. Պեսկով

ՌԴ նախագահի մամուլի քարտուղար Դմիտրի Պեսկովը հայտարարել է, որ Crocus City Hall համալիրում տեղի ունեցած ահաբեկչությունից հետո Արևմուտքի հետ շփումներ չեն եղել։

«Այժմ ոչ մի շփում չկա արևմտականների հետ»,- ասել է Պեսկովը՝ պատասխանելով ՏԱՍՍ-ի հարցին։

Միևնույն ժամանակ Կրեմլի ներկայացուցիչը նշել է, որ «նախորդ օրը նախագահ Վլադիմիր Պուտինը բազմաթիվ հեռախոսազրույցներ է ունեցել»։

Նա հիշեցրել է, որ պետության ղեկավարը զրուցել է տարբեր երկրների, այդ թվում՝ Բելառուսի, Ուզբեկստանի, Տաջիկստանի, Թուրքիայի ղեկավարների հետ: