«Հիշում եմ, որ նստած եմ եղել՝ որոշումը կայացնելիս». վարչապետ

ՀՀ վարչապետ Նիկոլ Փաշինյանը «Հայաստան» խմբակցության պատգամավոր Գեղամ Մանուկյանի՝ «ոտքի վրա որոշում կայացնելու» հարցին ի պատասխան ասել է. «Եթե ձեզ թվում է՝ կառավարությունը երկրի անվտանգության հետ կապված խնդիրները պետք է մատուցի Ձեզ, որպեսզի Ձեր նեղ քաղաքական շահերի շուրջ իրականության հետ աղերսներ չունեցող բեմադրություններ ներկայացնեք, սխալվում եք․ այո, ես կայացրել եմ որոշում, ընդ որում, չգիտեմ՝ «ոտքի վրա»–ն ոնց տեսաք, թե որոշումը երբ և որտեղ կայացրի։ Ամեն դեպքում, հիշում եմ, որ նստած եմ եղել՝ որոշումը կայացնելիս»:

Գեղամ Մանուկյանը հետաքրքրվել է, թե ինչո՞ւ է վարչապետի՝ «ոտքի վրա» կայացված որոշմամբ արգելվել ընդդիմադիր պատգամավորներին ծանոթանալ խաղաղության պայմանագրի վերաբերյալ բանակցվող փաստաթղթերին։