Մահացած զինծառայող Ավագ Զաքարյանը Արարատ գյուղից էր, տան կրտսեր զավակը
Փետրվարի 24-ին՝ ժամը 17:55-ի սահմաններում, դեռեւս չպարզված հանգամանքներում (նախնական տվյալներով` հրազենային վիրավորման հետեւանքով) մահացած ՊՆ N զորամասի զինծառայող Ավագ Դանիելի Զաքարյանը Արարատ գյուղից էր։ NEWS.am-ին հարազատներից մեկը պատմել է, որ Ավագը տան կրտսեր զավակն էր։
«Մեկ քույր ու մեկ եղբայր ունի իրենից մեծ։ Ավագը մի քանի ամսվա ծառայող էր։ Շատ խելացի ու լավ ընտանիքից էր»,- պատմել է հարազատը։
Armlur.am-ին հասած բացառիկ տեղեկությունների համաձայն՝ ըստ նախնական վարկածի՝ զինվորը մահացել է ծառայակցի կողմից արձակված կրակոցից։Այս պահին իրավապահները դեպքի վայրում են ու պարզում են համգամանքները։Ըստ նախնական վարկածի՝ երկու զինվորները որեւէ տարաձայնություն կամ խնդիր չեն ունեցել միմյանց մեջ ու ըստ նախնական վարկածի՝ կրակոցն անզգուշության հետեւանք է եղել:
