Երևանում թիվ 67 երթուղու ավտոբուսը բախվել է հողաթմբի. կան տուժածներ
Այսօր ժամը 14:00-ի սահմաններում Երևանի քաղաքապետարանի հաշվեկշռում հաշվառված Jijiang մակնիշի ավտոբուսը Սեբաստիա փողոցում դուրս է եկել երթևեկելի գոտուց և բախվել թիվ 81/1 հասցեի մոտ եղած հսկայական փոսի հողաթմբին: Տեղեկությունը հայտնում է shamshyan.com-ը։
Վթարի հետևանքով 4 մարդ տեղափոխվել են Երևանի տարբեր հիվանդանոցներ:
Նախնական տվյալներով՝ վթարի պատճառը եղել է թիվ 67 երթուղու Jijiang մակնիշի ավտոբուսի արգելակների հետ կապված խնդիրը։
Ավտոբուսի վարորդը տեղում ենթարկվել է սթափության փորձաքննության, եղել է սթափ:
Պարեկային ծառայությունն ու քննչական բաժինը պարզում են մյուս վարորդների ինքնությունը:
