Արդյո՞ք Փաշինյանը և Պուտինը առանձնազրույց կունենան. Պեսկովը պատասխանել է
ՌԴ նախագահ Վլադիմիր Պուտինը և Հայաստանի վարչապետ Նիկոլ Փաշինյանը, ովքեր Սանկտ Պետերբուրգ են ժամանելու Եվրասիական տնտեսական բարձրագույն խորհրդի (ԵՏՀԽ) նիստին և ԱՊՀ ոչ պաշտոնական գագաթնաժողովին, հնարավորություն կունենան շփվելու։ Այս մասին ճեպազրույցի ժամանակ հայտարարել է ՌԴ ղեկավարի մամուլի քարտուղար Դմիտրի Պեսկովը։
Լրագրողները Կրեմլի ներկայացուցչից հետաքրքրվել են՝ արդյոք Պուտինի և Փաշինյանի միջև առանձին բանակցություններ տեղի կունենան Ռուսաստան կատարած այցի ընթացքում։
«Նրանք հիանալի հնարավորություն կունենան նախասրահում շփվելու»,- պատասխանել է Պեսկովը:
