ԼՈՒՍԱՆԿԱՐՆԵՐ․ Խոշոր վթար՝ երգիչ Սարգիս Եղիազարյանի մասնակցությամբ. նա զրկված է եղել մեքենա վարելու իրավունքից
Երևանում խոշոր ավտովթար է տեղի ունեցել երգիչ Սարգիս Եղիազարյանի մասնակցությամբ։ Այս մասին հայտնում է shamshyan.com-ը։
Կայքի փոխանցմամբ` դեկտեմբերի 17-ին` ժամը 20։10-ի սահմաններում Սարալանջի հին ճանապարհին «Mercedes» մակնիշի ավտոմեքենան դուրս է եկել հանդիպակաց երթևեկելի գոտի և բախվել «Mitsubishi» մակնիշի ավտոմեքենային։
Վթարի հետևանքով 1 հոգի մարմնական վնասվածքներով տեղափոխվել է հիվանդանոց։
Դեպքի փաստով ՀՀ քննչական կոմիտեում նախաձեռնվել է քրեական վարույթ, վարորդների և վիրավորների ինքնությունը պարզվում է։
Կայքի տեղեկություններով` «Mercedes»-ի վարորդը երգիչ Սարգիս Եղիազարյանն է, որը զրկված է եղել ավտոմեքենա վարելու իրավունքից։
