Ռուսաստանը սպառնալիք չի ներկայացնում․ Դմիտրի Պեսկով

ՌԴ նախագահի մամուլի քարտուղար Դմիտրի Պեսկովը չի համաձայնել այն հայտարարությունների հետ, թե իբր Ռուսաստանը սպառնալիք է ներկայացնում Եվրոպայի համար: Նա ուշադրություն է հրավիրել այն հանգամանքի վրա, որ իրականում ամեն ինչ ճիշտ հակառակն է։ Տեղեկությունը փոխանցում է ՏԱՍՍ-ը։

«Ռուսաստանը սպառնալիք չի ներկայացնում Եվրոպայի համար. Եվրոպան սպառնալիք Է Ռուսաստանի համար»,- ասել Է Կրեմլի ներկայացուցիչը։ 

Պեսկովը նշել է, որ Եվրոպան փաստացի ԱՄՆ-ի վերահսկողության տակ գտնվող մայրցամաք է։ 

«ԵՄ երկրները մասնակցում են ՆԱՏՕ-ին, որն իր ողջ ռազմական հզորությամբ շարժվում է դեպի մեր սահմանները։ Հենց դա է մեզ համար վտանգ ներկայացնում։ Դա այն է, ինչ մեզ ստիպում է անել այն, ինչ հիմա անում ենք»,- մանրամասնել է Պեսկովը։