Փարիզի մետրոյի կայարանում ոստիկանները կրակել են չադրայով կնոջ վրա
Փարիզի մետրոյի կայարանում ոստիկանները կրակել են չադրայով կնոջ վրա, ով բղավել է «Ալլահ աքբար» և սպառնացել է ինքն իրեն պայթեցնել: Այս մասին հայտնում է Dailymail-ը:
Աղբյուրի փոխանցմամբ` նա սպառնացել է մետրոյի ուղեւորներին։ Գնացքը կանգնեցրել են կայարաններից մեկում, կինը հրաժարվել է ենթարկվել ոստիկանների պահանջներին, որից հետո ոստիկանները կրակ են բացել նրա վրա։
Կինը գտնվում է վերակենդանացման բաժանմունքում՝ ծանր վիճակում, նրա վրա ռումբ չի եղել։
