ՏԵՍԱՆՅՈՒԹ. Իսրայելի պաշտպանության բանակը հարվածներ է հասցրել Դամասկոսի և Հալեպի օդանավակայաններին
Իսրայելի պաշտպանության բանակը (ՑԱԽԱԼ) հրթիռներ է կիրառել Դամասկոսի և Հալեպի օդանավակայանների թռիչքուղիները հարվածելու համար։
Ինչպես հայտնում է SANA գործակալությունը՝ վկայակոչելով սիրիական բանակին, վնասվել են թռիչքուղիները: Դրանք շարքից դուրս են եկել, հետագա կիրառությունն անհնարին է:
Սիրիացի զինվորականները պարզաբանում են, որ հարձակումը իրականացվել է տեղի ժամանակով մոտավորապես ժամը 05:25-ին. հրթիռներն արձակվել են Միջերկրական ծովից՝ Լաթաքիայից արևմուտք և Գոլանից։ Հնարավոր զոհերի կամ վիրավորների մասին տվյալներ չկան:
Հիշեցնենք, որ նախկինում այս նույն օդանավակայաններն արդեն ենթարկվել էին Իսրայելի պաշտպանության բանակի հարձակումներին։
