Ադրբեջանն այլևս չի կարող հեռարձակել Հայաստանում ընթացող բողոքի ակցիաները․ պարզել են՝ ազդանշանը որտեղից էին ստանում

Համացանցում տեղեկություններ էին շրջանառվում, թե ադրբեջանական İCTİMAİ TV հեռուստաալիքը ուղիղ եթերով հեռարձակում է Երևանում տեղի ունեցող բողոքի ակցիաները։

Փորձագետ Տիգրան Քոչարյանն անդրադարձել է ադրբեջանական հեռուստաալիքներից մեկով Երևանում տեղի ունեցող բողոքի ակցիաներն ուղիղ հեռարձակելու փաստին։

«Երկու օր է՝ ադրբեջանական ինչ-որ ալիքով տարածվում է Live՝ հրապարակից։ Այսօր գնացինք այդ LIVE-ի հետքերով և գտանք, որտեղից է նկարահանվում։ Ստիպված նույնիսկ գնացի տեսախցիկի դիմաց ձեռքով արեցի, որ հաստատ լինի։

Լրագրողները, պարզվեց, ռուսական Ruptly ալիքից էին, իսկ ալիքը ազդանշանը վաճառում էր միջնորդին, ով հետո ցրում էր այլ լրատվամիջոցներին։

Գնորդներից մեկն էլ փաստորեն ադրբեջանական ալիքն էր։ Ոստիկանություն կանչեցինք, ստուգեցինք հերթով՝ ով են, ինչ են։

[e6eef9b1a4ee4d522e8a3c80e30ae8f5.jpg]

Ruptly-ից ասեցին, որ որոշում է ընդունվել Հայաստանից եթեր այլևս ոչ մեկին չտալ։ Լրագրողներին ասացինք, որ գնան մոմ վառեն, որ չեն սատկացրել։

Թողեցինք ոստիկանների մոտ, վերադարձանք հրապարակ։ Շնորհակալություն զգոն քաղաքացիներին ու լրագրողներին, որ ուշադիր հետևում են շուրջբոլորը կատարվողին»,- գրել է Տիգրան Քոչարյանը։