Բելգիայի պաշարները ՆԱՏՕ-ի չափանիշներին համապատասխանեցնելու համար կպահանջվի առնվազն 7 միլիարդ եվրո
Բելգիային կարող է անհրաժեշտ լինել առնվազն 7 միլիարդ եվրո տասը տարվա ընթացքում զինամթերքի իր պաշարները համալրելու համար, հայտնում է La Libre Belgique-ը:
«Մեր պաշարները ՆԱՏՕ-ի չափանիշներին համապատասխանեցնելու համար կպահանջվի առնվազն 7 միլիարդ եվրոյի ներդրում, որը հաջորդ տասը տարիների ընթացքում կազմում է տարեկան 700 միլիոն եվրո: Համեմատած մեր ներկայիս ռեսուրսների հետ՝ սա հսկայական է։ Հուսով ենք, որ տասը տարվա ընթացքում կկարողանանք վերականգնել մեր պաշարները»,- ասել է Պաշտպանական նյութական ռեսուրսների գլխավոր տնօրինության ղեկավար Ֆրեդերիկ Գյոթինքը։
«Մենք մոտենում ենք այն սահմանին, թե ինչ կարող ենք տալ Ուկրաինային»,- հավելել է նա։
Բանակը պետք է մտածի նաև արդիականացման, մասնավորապես՝ «նոր տեսակի զինամթերք գնելու ապագա սպառազինության համակարգերի համար (ինքնաթիռներ, ուղղաթիռներ, նավեր, ցամաքային մեքենաներ), որոնք մենք ձեռք բերելու գործընթացում ենք», - ասել է Գյոթինքը։
Ընդհանուր առմամբ, ըստ Բելգիայի պաշտպանության նախարար Լյուդիվին Դեդոնդերի, Բելգիան 274 միլիոն եվրոյի (295 միլիոն դոլար) զենք է փոխանցել Ուկրաինային:
