Ռումինիան հերքում է իր տարածքում ռուսական ուժերի ԱԹՍ-ների ընկնելու մասին Կիևի պնդումը
Ռումինիայի պաշտպանության նախարարությունը «կտրականապես» հերքում է պաշտոնական Կիևի հայտարարությունը, թե այսօր վաղ առավոտյան ռուսական ուժերի անօդաչու թռչող սարքերն ընկել և պայթել են Ռումինիայի տարածքում։
Ռումինիայի արտգործնախարարությունը մասնավորապես հայտարարել է, որ ռուսական հարձակումը «ուղղակի սպառնալիքներ չի առաջացրել Ռումինիայի ազգային տարածքների կամ տարածքային ջրերի համար»:
Ուկրաինային սահմանակից և ՆԱՏՕ-ի անդամ Ռումիանիայի դիվանագիտական գերատեսչությունը հավելել է նաև, որ միջոցներ են ձեռնարկվել երկրի արևելյան թևի պաշտպանությունն ուժեղացնելու համար։
Հիշեցնենք՝ ավելի վաղ հայտնել էինք, որ Ուկրաինայի արտաքին գործերի նախարարության ներկայացուցչի խոսքով, Ռուսաստանը 32 անօդաչու է արձակել Ուկրաինայի ուղղությամբ, մի քանի ԱԹՍ ընկել և պայթել են Ռումինիայի տարածքում։
