ԱՄՆ արդարադատության նախարարությունը ցանկանում է Կիևին փոխանցել ՌԴ-ի սառեցված ակտիվները

ԱՄՆ արդարադատության նախարարությունը ցանկանում է օգտագործել ավելի քան 1 միլիարդ դոլարի ռուսական ակտիվները Ուկրաինայում, որոնք գտնվում են միջազգային պատժամիջոցների տակ։ Այս մասին CBS News-ին տված հարցազրույցում ասել է ԱՄՆ գլխավոր դատախազի տեղակալ Լիզա Մոնակոն։

«Մենք Կոնգրեսից թույլտվություն ենք փնտրում՝ ստացված միջոցներն օգտագործելու ի շահ ուկրաինացի ժողովրդի», - ասել է Մոնակոն` պատասխանելով Ռուսաստանի սառեցված ակտիվների հետագա ճակատագրի մասին հարցին։

Ռուսաստանի ֆինանսների նախարար Անտոն Սիլուանովն ավելի վաղ ասել էր, որ կառավարությունը և Ռուսաստանի բանկը պատրաստել են հրամանագրի նախագիծ, որը նախատեսում է բացել օտարերկրյա ակտիվների մի մասը՝ ռուսականի հետ փոխանակելու համար։ Նա մանրամասնել է, որ 3,5 մլն ռուսաստանցիների ակտիվներն այժմ արգելափակված են, արգելափակման ընդհանուր գումարը կազմում է 1,5 տրիլիոն ռուբլի։ Այժմ նախատեսվում է սկսել ռուսների ակտիվների փոխանակումը օտարերկրյա ներդրողների ակտիվների հետ։