ՏԵՍԱՆՅՈՒԹ․ Առավոտը ահավոր տեսարան էր․ Գեղամասարի նախկին ղեկավարը՝ թշնամու հրետակոծության մասին

Առավոտյան Սոթք գյուղից շատ հստակ երևում էր, թե ինչպես է թշնամին հրետակոծում մեր պոստերը, տեսարանն ահավոր էր։ Այս մասին լրագրողների հետ զրույցում նշել է Գեղամասար խոշորացված համայնքի նախկին ղեկավար Հակոբ Ավետյանը։

Նա նաև հավելել է, որ գյուղացիները պատրաստ են, արդեն գիտեն, թե ինչ անեն պատերազմական գործողությունների դեպքում։ Ըստ նրա, սակայն, եթե այս իրավիճակը շարունակվի, ապա շատերը կարող են հեռանալ գյուղից։

Հիշեցնենք, որ այսօր առավոտվանից լարված իրավիճակ է Գեղարքունիքի մարզում, Ադրբեջանի ԶՈՒ ստորաբաժանումները ականանետերից ու հրաձգային այլ զինատեսակներից կրակ են բացել Սոթքի ու Նորաբակի ուղղությամբ տեղակայված հայկական դիրքերի ուղղությամբ: Այս պահի դրությամբ ՊՆ-ն հայտնել է չորս զոհի և մեկ վիրավորի մասին:
 

Մանրամասները՝ տեսանյութում։