ՏԵՍԱՆՅՈՒԹ․ Անդրանիկ Քոչարյանը՝ Սոթքի ուղղությամբ կրակոցների մասին

Ես չեմ կարող պնդել, որ Ադրբեջանը նախապատրաստվում է լայնածավալ գործողությունների, որովհետև շատ է ապատեղեկատվությունը կուտակումների և այլնի մասին: Այս մասին News.am-ի հետ զրույցում նշել է ԱԺ պաշտպանության և ազգային անվտանգության հարցերի հանձնաժողովի նախագահ Անդրանիկ Քոչարյանը:

«Իհարկե, մենք պետք է լինենք շատ ուշադիր ցանկացած ինֆորմացիայի արտահոսքերի նկատմամբ, որովհետև եթե մենք օր առաջ ինֆորմացիան չճշտենք և չպլանավորենք դրա հակազդման  գործողությունները, մենք կունենանք այնպիսի անակնկալներ, որոնք հակառակորդին կտան առավելություններ:

Այսօր այդպիսին չէ իրավիճակը: Գոնե այն հատվածներում, որտեղ անձամբ ինքս շրջագայել եմ և այն կատարվող ու ակնկալվող աշխատանքները, որոնց համար մեզ հանգիստ իրողություններ են անհրաժեշտ, լարվածությունից դուրս թեկուզ դիրքային այս փոփոխությունների առկայության պայմաններում մենք մեր առջեւ դրված խնդիրները պետք է լուծենք եւ Հայաստանի սահմանները պետք է դարձնենք ոչ միայն ինժեներական առումով անառիկ, այլ դրա պաշտպանության առումով ևս»,-հայտարարել է նա:

Մանրամասները՝ տեսանյութում։