Ռուս միլիարդատեր Մելնիչենկոն ՌԴ-ի դեմ պատժամիջոցները համեմատել է Հիրոսիմայի վրա միջուկային հարձակման հետ
Ռուս ամենահարուստ գործարարներից մեկը` Անդրեյ Մելնիչենկոն Ռուսաստանի դեմ կիրառվող պատժամիջոցները համեմատել է Հիրոսիմայի ռմբակոծության հետ:
Միլիարդատեր Անդրեյ Մելնիչենկոն Financial Times-ին տված հարցազրույցում իր և հարակից ընկերությունների դեմ պատժամիջոցները համեմատել է 1945 թվականին Երկրորդ համաշխարհային պատերազմի ավարտին Հիրոսիմայի վրա միջուկային հարձակման հետ։
Անդրեյ Մելնիչենկոն, որը պարարտանյութերի միջազգային արտադրող ընկերության հիմնադիրն է, ասել է, որ եթե դուք վնասում եք միլիոնավոր մարդկանց, ովքեր կապ չունեն հակամարտության հետ, դուք պատերազմական հանցագործ եք։
Միաժամանակ, պատասխանելով հարցին, թե արդյոք այն, ինչ անում է Ռուսաստանը Ուկրաինայում, հանցագործություն չէ, Մելնիչենկոն շատ ավելի զուսպ է պատասխանել. «Ես տեղում չեմ, փորձագետ չեմ, չեմ կարող նկարագրել այս կամ այն կոնկրետ դեպքը»։
